|
بسـم
اللـه الرحمـن الرحيـم
حبايب قلبـي اعضاء خذ وخل وادارتـه ومشرفيـه ..
المسجليـن جـديد او القديميـن ..
اتمنـى من الجميـع يقرا هالامـور قبل النشـر او قبل اي شي ..
ولو انـه كالعاده نكـتب ونرقـص لكـم ولا حـد هنيـا
المهـم بدايـة .. شعـارنا معـروف ..
(الزعــل ممنــوع .. والعتــب
مــرفــوع)
هــذا الشعــار اللــي كلنــا عــرفنــا ونــذكــر بعضنــا
فيــــه..
ولكـن اهم شـي فيه
(والمــزح لــه حــدود)
يعنـي هذي نقطـه اساسيـه لبـى قلوبكم وشـرط اساسي المـزح له
حـدود
صحـيح ان خذ وخل منتـدى وناسـه ولكـن بحـدود .. عن التجريـح ..
المهــم وهذي بعض الشـروط الاساسيــه اللجميـع اعضاء ومشرفيـن :: اتمنى الكل يتقيـد
فيها عشان مايجـي يـوم ونقول لـه لم عفشـك < شاده معـه
أولا
عـدم الاساءه لأي مذهب أو أي ديانـه والتقيـد بالشـريعـه وتعاليـم ديننـا الحنيـف
وسنـة نبينا عليه الصـلاة والســلام ..
=============
ثانيـا
عـدم نشـر اي موضـوع فيه اساءه للديـن الاسـلامي او اي ديانـه اخرى او اي مذهب
وعقيـده .. وعـدم نشـر اي موضوع اسلامي أو اي حديث قبل التأكـد من صحتـه
ويرجى قراءة شـروط القسـم الاســلامـي أولا ..
http://www.5dw5l.com/vb/t291.html
=============
ثالثـا
عـدم الاساءه لأي قبيلـه .. أو اي شخـص .. أو اي دولـه .. أو اي تجريـح .. وحل
الخلافات الشخصيـــه بعيـد عن خذ وخل .. وبعيد عن الاعضاء او الردود والمواضيــع
ويكـون اما برسالـه خاصـه او بالمسنجـر او برساله للإداره اذا انطلـب منهـا ..
وممنوع
تروح تسدح لي موضوع وش كبره عشان سالفة هوشه بينك وبين اي عضو ثاني !! < دقق عليها
:50:
والمخالفـه تعرض الاثنـين للطـرد اما المؤقت أو الدايـم حسب المشكلــه
وهذا مـوضوع خاص بالبنـد رقم 3 اتمنـى تقـرونـه بعنايــه
http://www.5dw5l.com/vb/t5769.html
=============
رابعــا
عنـد طرح نقاش ساخـن وجيت تبي تقـدم وجهـة نظـرك .. بنقـولك هذي وجهـة نظـرك تعبر
عن رايـك وبس .. وبالمقابــل غيـرك لـه وجهـة نظر وكل واحـد له وجهـة نظره يعبـر
رايـه وبس
ومثـل ماقيل اختـلاف وجهات النظـر لايفسـد للـود قضيـه او مثل ماهي ماني حافظها
المهـم اللي هـو يعنـي مهما تعددت وجهـات النظـر مافيه داعي للمشاحنات الزايـده <
سامعها المشاحنات بس مدري وش هيه هـع
ومافيـه داعي للتجـريح وهيه وجهـة نظر كل واحـد فيكــم
وان كان عاد موضوع النقاش المطـروح ماتبـي تشارك فيه او ماتعرف وش تكتب مافيه داعي
تقوم تهايط وتذب وتجيب فينا العيـد
=============
خامســا
بخصـوص الاعضـاء الجـدد ياحيكـم ويالبـى قلـوبكـم .. ومافيـه فـرق بين عضـو جـديد
او قـديم كلكـم خير وبركـه وكل واحد وكلمـته واخلاقـه تحكـم نظرة الغيـر لـه
ولا فيـه فرق بين مديـر او مشـرف او عضـو .. الكل عايلـه واحده وهذا المكتوب
بالشعـار .. وحبـذا لو تشـدون حيلكـم بالترحيب بالاعضــاء الجـدد ..
=============
ســادســا (شـرط اساسي)
لكل واحد الحـق بانـه يحط توقيـع يختاره ..
ولكـن لنا الحـق انه نمنـعه من انه يحـط صوره تخدش الحياء مثل صورة بنيـة ترللـي
جايبـه العيـد .. او صورة تخدش الديـن .. الخ .. وفي هالحـال الاداره لها الحق
باالغاء التـوقيع او ارسال تنبيـه للعضو .
بعـد اقـولكـم لبـى قلـوبكـم االاغـــانــــي واهداءات
الاغانـي او البطاقات الفلاشيــه اللي فيها مقاطع اغانــي ممنـــوعه
ويمنـع التهنئه والحفلات باعياد الميلاد حنا مسلمين ولنا عيديـن
واللي يبي يهدي ويحتفل يروح المسنجـر ويحتفل بيدينه ورجلينه
=============
سابعــا
نشـر الصـور والافـلام ..
طبعـا بكل قسـم من قسم الصور او قسـم السينـما او الجوال فيه شروط خاصه بكل قسـم
وهيه شـروط اساسيـه برجع اكتبها باختصار هنا .. عشان مايتعرض مـوضوعك للحذف ..
عـدم نشر صور , افلام , مقاطـع , تخدش الديـن او اي ديانـه اخـرى
عـدم نشر صور , افلام , مقاطـع , تسبب الحساسيـه بين الاعضاء او اهانـة عضو او
قبيله او دوله ..
عـدم نشر صور , افلام , مقاطـع ,, قليلـة حيا زي مايقـولونها أو شبـه متعريـه ..
=============
ثامنــا
بخصـوص نقــل المــواضيـــع المكـرره
قبـل نشـر اي موضـوع منقـول حنا مانقـولك ممنـوع الا هاتـه هو والمنتدى كله اللي
نقلـت منـه
ولكـن قبل ترسلـه فيه شي اسمـه بحث
تبحث عن كلمـه او كلمتيـن من الموضوع اللي بتجيبـه وتشوف ان كان منشـور بخذ وخل من
قبـل او لا عشان مايتعرض موضوعك للنقـل او الحذف ان كان مكـرر وتحط نفسـك بموقف
محـرج عاد وتعال فك عمـرك
وحبذا لو تقرا موضوعـك قبل تنقلـه لايكون فيه شي مخالف للشروط السابقـه ..
واذا
شفـت موضوعـك منقول لقسـم المكرر تأكد انه بيكون موجود سابقا وصاحب الموضوع اللي
جابه قبلـك له الحق بان موضوعه يكون له الاولويـه
ومافيه
داعي للتعرض للمشرف اذا نقل موضوعـك .
=============
تاسعــا
بخصـوص صنـدوق المحادثــات ...
حنا حطيناه للتـرفيـه وعشان الاعضـاء يتقـربون من بعضهـم اكثر ماحطيناه عشان واحد
يجي يتميلـح يبي يتعـرف والثاني يستخـف بدمـه ومادري ويش ومسنتر 24 ساعـه وتارك
المواضيـع لأمي ترد عليها يعني .؟؟
فـ لبى قلـوبكم بعـد مثل ماتهتمـون بصندوق الشات تهتمـون بالمواضيع ولو انه
ماعليكـم قصور انشــهد ..
=============
عاشـراً
كل واحد له ظروفه وفيه اعضاء تجيهم ظروف تحدهم انهم يتركون
المنتدى بهالحال نقول لهم الله يوفقكم وين مارحتـوا .. وزورونا كل سنه مره هع
لكن اي
عضو بيهاجر ممنوع يكتب موضوع وداعيه أو اهداء .. تبي تودع ربعك ودعم رساله خاصه ..
وممنوع عضو ثاني يكتب وداعيه لعضو آخر.
=============
الحيــن دور المشـرفيـن ياحظـــي
بخصـوص المكـرر وحتـى الاعضاء
طبعـا واجبات المشـرف معـروفه واللي هيه باختصار بكلمتيـن (تنظيـم قسمــه) ..
الاشـراف مو لون يكشـخ فيـه الا مسـئوليـه
يعني مثلا ممكـن يجي عضـو ويلاحظ على المنتـدى شي
ويروح يكتب ويقـول القسـم كذا فيـه مواضيـع مكرره او فيـه مواضيع مكانها قسم ثاني
المشـرف حق القسـم وش موقفـــه ؟؟
عشان كذا كل مشرف يتابـع قسـمه ويشوف المكـرر فيه والقـديم والمخالفات .. والتقصير
من المشـرفين راح يكـون سحب الاشـراف .. ^-^
واطلـب من الاعضــاء بعــد اللي يشوف موضوع مكرر يخبـر مشرف القسـم عنـــه
===============
امممممممم
اذا فيـه شي طرا على بالي بعـد برزه ان شاء الله ماراح اقصـر هـع
واللـي عنـده اي ملاحظــه ياليـت يرسلـها برسالـه خاصـه فديـت قلـوبكم ...
واللي عنـده اي مشكلته او خلاف مع احد الاعضاء بعـد يصفي النيـه وحنا حاضـرين ..
آخر تحرير :
1-9-2008
! عسول !
|
